“Në koncertet e mia të para unë shkoja me një furgon të vogël, ndërsa sot unë kam 26 autobusë që më ndjekin nëpër turne dhe ky është një tregues i mirë se sa rrugë të gjatë kam kaluar”, tha këngëtarja. Kylie gjithashtu shtoi se nëpër turne është shumë e ashpër ndaj bashkëpunëtorëve, valltarëve në skenë dhe stafit tjetër, sepse ajo dëshiron të sigurohet që çdo gjë të jetë e përkryer. “Ua kam borxh fansave të mi një shfaqje të mirë dhe për këtë shkak, nga ekipi im kërkoj më të mirën në skenë”, tha Minogue. Pop këngëtarja 44-vjeçare ditë më parë ka thënë se ëndërron që të bëhet pronare e një lokali në plazh në vendlindjen e saj në Australi, pasi të tërhiqet nga bota e shoubizit, pasi që është e vetëdijshme se popullariteti i saj nuk do të zgjasë përgjithmonë.